اليوم غادي ناقش معاكم واحد الطريقة لي كانظن انه القليل لي عارفها و هي التحكم في توحيد الشبق أو Synchronisation des chaleurs chez la brebis عند الخروفة أو ما يسمى بالفرنسية Technique des éponges vaginales أولا أعتذر حيت ماكانلقاش الترجمة المناسبة لبعض الكلمات العلمية بالدارجة باش نبسط ليكم الموضوع...
على بركة الله كيما كانعرفو لخروفة فيها البركة و البركة ديالها فالأولاد...الخروفة عندها ولدة و نص فالعام أي بمعنى أصح 3الولدات فالعامين مزيان...لكن إلى خدينا مثال ديال 50 نعجة باش تسير التوالد ديالها ماشي ساهل كانعرفو جميع الطرق التقليدية و المعروفة هية دخل لفحل و دير ليه ماركور فكرشو و لي بان فيها لماركور فظهرها راه ضربات خصنا نقيدو ليها تاريخ الضرابة...لكن السؤال المطروح واش هاد نعجات كايضربو فنفس اليوم او نفس الاسبوع على الاقل باش يولدو كاملين فدقة...الجواب هو لا...لأنه كل وحدة أو وقتاش كايجيها السخونية..كلشي عندو علاقة بالماكلة و الجو...يعني هنا فين كايوقع ديكالاج للفلاح و ماشي ديما كايولدو ليه فدقة باش يسهال عليه لحساب...مثال (الى ولدو ليك غير 10فشهر راك تصطى و تلف حيت خص كل وحدة برنامجها الغدائي لي والدة و لي كاترضع و لي دافعة...) الفكرة لي باغي ناقشها هية لي ذكرت فأول المنشور...هاد الطريقة الهرمونية و طبعا تحت عناية الطبيب هي انك كادير واحد لبونجا فيها هرمون Progestagene هاد لهرمون هو لي كايتحكم فسخونية les chaleurs عند النعجة كاتشد القطيع ديالك كامل كادير ليه هاد لبونجا فالرحم و من بعد 15يوم كاتحيدو و فنفس الوقت كادير ليهم شوكة PMSG فالعضلة باش بتزاد نسبة هرمون LH و كاتحسن نسبة تكون البويضات و من بعد 24ساعة كايقبلو لفحل بلا مانزيد نتعمق معاكم فديطاي لأنها معلومات تقنية و علمية يطول شرحها المهم هو الفكرة و راه أي بيطري عارف هاد لبلان و لي بغا يديرها فمنطقة دكالة كيان سي Adnane Sabri طبيب بيطري قرا عليها برا عندو مايقول فهاد التقنية نرجعو لموضوع...من بعد 24 ساعة خص كل 10 يكون معاهم فحل باش تزرب عملية التلقيح و مايفشلوش ليك لفحولة يعني غادي تم عملية تلقيح فنفس الفترة أي بمعدل 55ساعة بعد إزالة لبونجا بهاد الطريقة كاتسهال عليك عملية التسيير الغدائي و كايولدو ليك فنفس الفترة يعني تقدر تراقب الولادة مزيان باش مايموتوش ليك الاولاد و حتى فالبيع كاتعلف فخطرة حيت غايكونو تقادة وحدة تقريبا و كاتبيع فخطرة و دخل فلوسك جملة و أرى دور معايا هههه.
رياض وحتيتا: مهندس دولة في التكوين
رئيس جمعية عالم الفلاحة التضامنية القروية لجهة الدار البيضاء سطات
الهاتف 0661416091
