شراء و تسمین الخروف لعید الأضحى
سلام الله علیكم خوتي خواتاتي الفلاحة رمضان على الابواب الله یدخلو علیكم بالصحة و الھنا و راحة البال..غالبا ھادي ھي الوقیتة فین كایدخل لكساب لخروف
لعید لي ولاد نعجات و لي غادي یلقط من سوق مول 30 الف 36 الف مول 40الف واخا زاید سوق نغزة ھاد لیام باش یخلي لیك شي بركة تبیع لدرویش حیت
ھو لي مكتسح الطبقة الوسطى بالمغرب و بطبیعة لحال تعزل لخروف لي مبیوع فالمنطقة لي نتا فیھا یعني ماتقولش لیة غادیر صردي فمكناس ولا غادیر
تیمحضیت و تبیعھا فكازا حتى تثمین المنتوج و اختیار السلالة الملائمة لبلاصة لي مطلوبة فیھا عندو دور أساسي...لفلاحة را حرفة و ماركوتینغ...خرجتي
لسوق ولا مشیتي لفیرمات...شریة لمزاینة ھي لفیرما تمشي وقتما بغیتي و عندك الاختیار سول غیر على لفحل تعرف السلعة كیطالعة...اما شریة دیال السوق
فیھا لھوتة ولكن نتا و حرفتك فتعازیل...سؤال المطروح لحد الآن ھو كیفاش تشري لحولي..واخا...دخلتي لسوق ماعمرك تزرب واخا یعطیوه لیك فابور...دیك
(تقلیبة المزروبة دیال ظھر و موراھا شحال ھاد لخیر) مابقاتش واكلة أعشیري فسوق حیت لكساب لبیاع غایعرفك مازال غاكادور و كاتجیب خبار السوق
وتقدر ماتشري تالعبة ولا غایقول مع راسو راه تابعك صاحبك یرقد موراك سوق و حتى لا كان مزیر كاع واقف على لبیع مایجیكش من لخر لمشرا دیال
لخروف ماشي بحال لعجل...دخل لسوق شوف غیر بعینیك حیت قلیل لي غاتلقاه شاد حبة ولا جوج و أغلبیة مول حبة ولا جوج كایقلب على لجزار...ملي
ضرب شوفة بعینیك غادي تعرف سلعة لي بغیتي یعني صغیرة كبیرة متوسطة علاش؟؟..حیت أغلبیة كاین لي شاد سلعة تقادة وحدة باش یجیك من لخر یقولیك
ضرب معایا فكلشي بتمن واحد لراس...عبرتي سوق نیشتي على سلعة لي بغیتي دخل فیھا طول و عرض..كیفاش؟
-یدیك فوق ظھرو..(ماشي ظھر لكساب ھھ) ظھر لبھیمة لكساب مادویش معاه حتى تسالي..دیھا و جیبھا فوق ظھرو تحسس بصباعك ضلوع واش باینین ولالا
-قلب لفولات و دیالة واش مشحمة
-التابع (دیالة) فایت الركبة
-قلب سنان من احسن یكون سنان لحلیب صغار و بیضین..ممكن تلقاھم كاملین كحلین غایقولیك را لخروف كایھرس فسنان..ھاداك غا لمیلاص أحبیبي...
-دیر یدیك تحت لخروف و خلخل لیھ كرشو بحالا غادي ضرب لیھ كرشو غي بشویة وبزربة بحال كاتقلب دلاعة لاحسیتي بتقلقیل دیال لما راه كاتبان عرفو
مولاه مشبعو ماء و مدخلو لسوق غاتوصلو لكوري غایتفش لیك...
-ضرب لیھ لبیل فعینیھ مع ظلمة فسوق ماتبانش لیك جلالة فعینیھ...
-دوز یدیك ورا ودنو و تحت وجھو و فلعنق و فلبادرة (صدر) و تحت لكتاف لاكین شي حبوب زید و خلیھ..
-زغبة تكون صافیة و نقیة مامشنتفاش (نقص فالكالسیوم) من ھنا تعرفو ماعمرو سرح ولا شاف شمس غیر لكوري... بالنسبة لي غایتقدا صردي و صدر
عریان را كاین صردي لمبرھش فیھ لوشام فنیف و لعینین لكن كلو بطانة
-ضرب لیھ لبیل وسط ودنیھ و ورا ودنیھ لا فیھ شي تونیة غاتبان و ضرب لیھ لبیل فلفراقش یكون مكتاملین ماموكولینش الفورما دیالھم طبیعیة وماطوالش
مایزربش علیك لبیاع یقولیك ضرب معایا فكلشي را لي فراس جمل فراس جمال ضروري حبة ولا جوج ناقصین..برك معاه الارض فثمن ملي تفاھمو شد لیھ
شي 100درھم قولیھ بحالا جینا عندك و عشیتینا ولا تعاون معانا على طرونصبور ھھھھھ و ماتخلصوش فلبلاصة واخا تكون ھاز فلوس عربنو وقولیھ خرج
معایا لبرة علاش؟.. ملي غادي تخرجو سیر ورا لبھیمة باش تعرف لي غادي مقاد ولي غادي كایعرج حیت مایمكنش لیك دیر بیھم عرض الازیاء وسط سوق
كل بھیمة تمشا معاھا بوحدھا اوا فھم المعنى باش لي لقیتیھا غادا عوجة تنقصھا من لحساب حیت فلوسك مازال فجیبك اما لاتبایعتو ضربك طرامواي أولد
عمي...و خود نمرتو ضروري حیت واحد الوقت ماغاتبقاش تلقط من سوق غاتربحو من بعد 50درھم فراس و جي لعندو لكوري تعزل قبل مایدخل لسوق
وتعاود معاه ھاد صطاجات كاملین...وبلا مانوصیك ضروري دخل لیھ شویة ضحك و تقشاب فلھضرة ماتكونش روفیكص باش تقدر دخلو عندك لتیران
وتفاوض معاه كیف بغیتي...
الله یسخر دخلتي لبھیمة عندك الكوري غاتعطیھم الرایب و نھار دیال لما وتبن فقط باش یلوح لاعندو شي میكروب و یدیر رایب المفعول دیال...نھار ثاني
غاتلقحو بدوا ضد Anterotoxemie دیال مرارة حیت غاتبدل علیھ لمرقد و لماكلة...نھار تالث غادیر لیھ إیفومیك D شوكة 2cc لواحد ضد الطفیلیات
الداخلیة والخارجیة باش لي دفعتیھا لیھ تبان علیھ و تبدا معاه لعلف شویة بشویة لاقدرتي طحن لیھ تبن مزیان تخلطو لیھ مع علف طاقي بحال نخالة من بعد دخل
لیھ لفصة ولا لفوراج خرطال و تبن صباح و بدا تحرش لیھ لعلف دفع لیھ فالاول 100غرام علف فلعشیة و حاول تولفو على وقت محدد فالیوم للعلف ماشي
وقتما سالیتي...من بعد بدا تزیدو 50غرام فنھار حتى توصل لكمیة العلف المطلوبة و لي ھي 5.2 %من الوزن دیالو نتا لاماعندكش لمیزان دیال لبھایم بدا
تزیدھم حتى لنھار یشیطو ھادي طریقة تقلیدیة المعروفة و دیر لیھم حجرة دیال لملحة لحیة وسط لمجاور باش یلحسوھا و تعطشھم مزیان...لحال سخون دابا
خلیھ یبات مھوي و یكون لكوري مافیھش لكورونضیر منقي مجیر و كتر لیھم لعلافات لا كان فالاستطاعة.. و لا دیر بلان مزیان دوك مالین لقرون مجبدین
طوال عزلھم بوحدھم...غاتجیك غریبة نقولیك علاش...حیت ملي كاتحط لماكلة دیما مول لقرون صغار كایدیر بلاصتو وسط القطیع و كایاكل مزیان و مول
لقرون طوال كایبقا یدور علیھم من ھنا لھنا كایقلب فین یخشي راسو و غالبا ماكیدیر بلاصتو حتى كایضربو نص فلعلف كایتسنا غي شي واحد یغفل یخرج
یكمي كارو ھھھ (غي كانضحكو) یشم لھوا كایشقمو و یخشي راسو بلاصتو ھھھھ...
الله یسر لیكم خلیتكم على خیر اخواني اخواتي الكرام...
تحیات #لامین
مھندس في التكوین
مستشار فلاحي معتمد من وزارة الفلاحة
Mly Riad Oht
